Hannah's beach (Pagudpud, Ilocos Norte)

 

               

Enero palang ngunit ramdam na ramdam na natin ang tindi ng init ng araw na tumatama sa ating bansa. Ang iba ay nagbabalak ng pumunta sa mga lugar na kung saan ramdam na talaga nila ang bakasyon. Ang ating bansa ay kilala sa mga magagandang puntahan at tanawin. Mayaman daw ang bansang Pilipinas sa mga "tourist spots" na kung tawagin lalo na tag-araw na at malapit na nga ang bakasyon.

Bagamat tanyag ang Boracay para sa nakakarami dahil sa magagandang taglay nito. Katulad ng puting buhangin, asul na katubigan, mga pagkain, mga tuluyan, aktibidad at iba pa... Marami ang gustong pumunta rito ngunit hindi nila ito magawa dahil sa kadahilanang malayo ito o wala silang sapat na pera.

Kung ikaw ay nakatira sa Luzon at napakalayo nito sa Boracay, tama na ang pag-aalangan dahil malapit dito ang "Hannah's Beach" na matatagpuan sa Ilocos Norte, Bayan ng Pagudpugd. Ang "Hannah's Beach ay kinikilalang "Boracay ng Hilaga" dahil halos magkaparehas ang mga katangian nito sa Boracay. Tuwing tag-init, dinudumog rin ito ng napakaraming tao na galing pa sa iba't ibang probinsiya. Mula sa tuktok ng katabi nitong bundok, kitang kita mo sa itaas ang kagandahan ng dagat at kalikasan. Madami din itong panlibangan kagaya ng zipline, banana boat, all-terrain vehicles, trekking at water sports. Kung balak mong manatili magdamag, meron din silang ipinaparentang mga tuluyan o hotel. May mga tuluyan din na mura dahil ito ay 1500 php lamang ngunit hindi pa ito naka-aircon.  Samantalang ang mga hotel room ay nagkakahalaga mula 3,000-4,000 php. Tikman rin ang mga pagkain na hatid sa inyo ng kanilang serbisyo. May adobong pusit, kinilaw na tanigue, sinigang na maya-maya, inihaw na bangus at marami pang iba. pwede kang magpaluto sa halagang 250 php lamang. Maganda rin ang paglubog ng araw dito. Sa sobrang ganda ng lugar na tila ayaw munang umalis.


Ang Hannah's beach ay sumusulpot rin bilang "crown jewel of the North" Kaya ano pang hinihintay mo? Simulan ng mag-ipon at tuklasin ang kagandahan ng paraisong ito na naghihintay sa iyo sa Pagudpud lalo na at sasapit nanaman ang tag-init :)